هام بخصوص المنتدى .. شاركنا رايك

من طرف **Omar Fathy** الإثنين أكتوبر 10, 2011 6:12 pm

السلام عليكم أعضاء منتدانا الأعزاء ؛
مما لا يخفى علينا أن المنتدى قد شهد تراجعا فى الفترة الأخيرة من حيث عدد الزيارات و دخول الأعضاء بصفة خاصة ، لأسباب مختلفة منها الأجازة و أهمها - وده المهم - جروبات الفيس بوك الكتيرة اللى اتعملت فى الفترة الأخيرة و أدت لانصراف الأعضاء عن المنتدى ،، فكرت كتير فى حلول للموضوع ده ،، ولكن ياريت تشاركونى التفكير ،، بما اننا كنا متفقين دايما ان كلنا هنا فى المنتدى أسرة واحدة ، فياريت أى حد عنده حل ، فكرة ، تطوير ، ما يبخلش علينا بمشاركته ، ولكم جزيل الشكر
وأعتذر لكم عن انشغالى عن المنتدى الفترة السابقة لأسباب يعلمها بعضكم ، و أعدكم بالاهتمام بالمنتدى فى الفترة القادمة ، لأن أسباب الانقطاع خلاص راحت .

من طرف ehab.pop الإثنين أكتوبر 10, 2011 6:54 pm

بجد مشكلة الفيس هي المشكلة الاكبر يا عمر والي لابد اننا نجد حل بس ازاي

سؤال يا عمر هو ممكن التوبيكات تتعمل زي نظام الفيس بوك بحيث ان الزائر يقدر يعمل لايك على التوبيك وكدا ولا ده مش ينفع

وبجد لازم الافكار الي تتقال نتفق عليها ونحاول اننا نفعلها مش زي كل مرة نقول كلام وخلاص

يارب نشوف افكار تقدر نشط المنتدى

من طرف meshmesh الثلاثاء أكتوبر 11, 2011 12:54 am

امممم انا برضو ملاحظه الموضوع دا وبصراحه كدا انا كنت من المتغيبين عن المنتدى فترة الاجازة ههههههههههههههههههه بس دا لانى حسيت بملل مفيش اى جديد بقى روتينى اوى زيادة عن اللزوم وياريت التغيير وسورى بس انا صريحه
تقبلوا مرورى

من طرف elhour الأربعاء أكتوبر 12, 2011 1:42 am

المشكله ان معظم الاعضاء يقولوا مش بندخل لان المنتدى نام,,طب من ده طبيعى لما الكل يبعد ويتفرج من بعيد لازم ينام,,مش معقول الكل هيدخل ويشارك وهينام او بالنشاط ده وهيبقى ممل
وبعدين معلش يعنى بصراحه لو الناس اللى عالمنتدى عندهم انتماء فعلا للمنتدى مش هيفرق الفيس بوك ولا غيره,,لان من قبل الانشغال بالفيس كنت بحس ان كل واحد ليه دور فالمنتدى ومسؤوليه معينه فطبيعى ان لما كل واحد يتخلى عن دوره ده لازم يبقى ممل ونشاطه يقل ....بالظبط زى شركه معينه لو ظهرت شزكه منافسه واللى فيها اتنقلوا للشركه المنافسه الاولى هتهبط خالص
باختصار ماحدش يبرر كسلكم على وجود الفيس بوك ..لان الفيس بوك موجود على طول فده مش مبرر
موضوع الحل ده انا شايفاه فالاعضاء نفسهم مش اكتر ...لان الناس المتواجده فالمنتدى باستمرار معظهم بل كلهم ليهم اكونت عالفيس ومع ذلك كانوا بيتواجدوا عالفيس حتى لو 5بس
تسمحولى اقول انهم بيدخلوا فتره الدراسه بس علشان مصلحتهم

................................
اسفه للاطاله
ارجو ان تتقبلوا رأيى

من طرف **Omar Fathy** الأربعاء أكتوبر 12, 2011 1:48 am

كلامك سليم جدا والله وفعلا عندك حق .. لما المشرف العام بتاع المنتدى يروح يشارك بمواضيع مهمه فى أماكن تانية و يبخل عن المنتدى بمواضيع زيها .. و أمثلة كتير من كده يبقى فعلا ده عدم انتماء Smile

هههههههه
أهم حاجة محدش يزعل ههههههه

من طرف Genol الأربعاء أكتوبر 12, 2011 12:26 pm

أولا أنا عجبانى فكره البوب وياريت تنفع يا عمر
ثانيا أنا والحمدلله عمري ما بنقطع عن المنتدى حتى لو مفيش جديد وعمرى ما حسيت بملل منه خالص بصراحه وماليش ف الفيس خالص ولا بحبه حتي

من طرف عيون القمر الجمعة أكتوبر 14, 2011 9:57 pm

بصراحة اللى انا شايفاه ان الردود اعتمدت اكتر على وصف او تحليل اسباب رجوع المنتدى ومحدش اتكلم عن اسباب حقيقية لاعادته مرة تانية للقمة

فهل ياترى دى سمة الاعلامين كلهم حتى اللى هيبقوا فى المستقبل واللى بنقول عليهم امل مصر فى اعلام بناء ولا اييييييييييية؟

من طرف **Omar Fathy** الجمعة أكتوبر 14, 2011 10:59 pm

الحمد لله ما جتش منى ... فعلا قلتى اللى انا عايز اقوله وزيادة شوية كمان

هام بخصوص المنتدى .. شاركنا رايك

هام بخصوص المنتدى .. شاركنا رايك

رد: هام بخصوص المنتدى .. شاركنا رايك

رد: هام بخصوص المنتدى .. شاركنا رايك

رد: هام بخصوص المنتدى .. شاركنا رايك

رد: هام بخصوص المنتدى .. شاركنا رايك

رد: هام بخصوص المنتدى .. شاركنا رايك

رد: هام بخصوص المنتدى .. شاركنا رايك

رد: هام بخصوص المنتدى .. شاركنا رايك